» Paškūdnėnks

pliumpt | 2009-08-05 - 19:21:51

Kūrinio įvertinimas:

0.0

0 balsai(ų)

1 2 3 4 5

Trept! – vuoželės kuojele,
Krest! – žilāja barzdele,
Smails rāgs līg nuorāgs,
Par tvuorelė – švīst!

Gvaltas kruok muorkas, kuopūstā:
– Skot nu žēmes vuože ūstā,
Zūbā karpa, gniāuža, skāba...
Ratavuok nu biesa, bāba!

Laužūs rīkšti: „Rūgštel, – trāuksu! –
Kėnka miklėn ī neklausa,
Lend kāp prūsas kuoks ī popas...
Kapt! – vož rāga – spord kāp kriopės.

– Nemankštėnk mā darže kėškas,
Netursnuok če kāp puo miškos,
Paveiziesma kas dā jūksēs!?“ –
Uždarāu gardelėn: – Rūgsė!

Klept! – ragūta ākes meilē,
Kasāu ause – daruos gaila: –
Tīk jau tuo – zīliuok puo pīva,
Nepaškūdėnk – dīš krapīla!